مرسته     |     دپاڼي نقشه     |     ننوتل
دخپریدو نیټه : 2012-09-18   مخپرونکئ : 049 - دبېنواخبریال - کندهار

كابل : فوټبال لوبه د ميوند اتلانو وګټل

پښتنه اميد

د هيواد په پلازميني كابل كې د لوى كندهار ( د ميوند اتلان ) او د كابل زون ( شاهين اسمايي ) تر منځ نننۍ لوبه د لوى كندهار فوټبيال لوبډلي په ګټه پاى ته ورسيده .
لوبه چې د طلوع تلويزيون له لوري د غوره ليك د سياليو په لړۍ كې په لاره اچول سوې وه د لوبې په لمړۍ نيمايي كې د لوى كندهار لوبډلې تكړه لوبغاړو هر يوه فيض محمد او واجد وكولاى سواى چې د كابل زون  د فوټبال لوبډلې د ګول جاله په توندو بالونو ولړزي .
د لوبې په دوهمه نيمايي كې شاهين اسمايي هم ګول وكړ خو وروسته كندهار په سخت قهر او توند ډول د شاهين اسمايي لوبډلي د ګول جاله بيا ولړزوله چې په دې سره لوبه درې د يو په وړاندي د لوى كندهار لوبډلې په ګټه پاى ته  ورسيده .
د لوبډلي لارښـوونكى د كندهار تكړه لوبغاړى عبدالسميع غيرتمل وو چې خپله لوبډله يې په خورا ښه ډول رهبري كوله .
د شاهين اسمايي لوبډله په داسي حال كې ماته سوه چې څلور لوبغاړي پكښي د ملي لوبډلي وه .
لوبه د لمر او طلوع تلويزيونونو څخه په ژوندۍ بڼه خپريده

 

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery