مرسته     |     دپاڼي نقشه     |     ننوتل
دخپریدو نیټه : 2012-12-22   مخپرونکئ : 049 - دبېنواخبریال - کندهار

د كركټ سياليو اتلولي خپلواك لوبډلې تر لاسه كړه

پښتنه اميد

 

په كندهار كې د كركټ پيل شوي سيالۍ د خپلواك لوبډلې په اتلولي پاى ته ورسيدې .
پوره پنځه ديرش ورځې مخكي په كندهار كې د كركټ بورډ له لوري د داخلي لوبډلو تر منځ د كركټ سيالۍ پيل شوي وي چې څوارلسو لوبډلو ګډون پكښي كړى وو .
د سياليو څخه موخه كركټ ته وده وركول او د كندهار د منتخبي لوبډلې جوړول وه .
د دې سياليو وروستۍ لوبه تېره ورځ جمعه په عينو ښارګوټي كې د اتحاد او خپلواك لوبډلو تر منځ وشوه .
لوبه د اوو ويكيټو په توپير د خپلواك لوبډلې په ګټه پاى ته ورسېده او همدې لوبډلې د دې سياليو اتلولي تر لاسه كړه. د سياليو دوهم مقام اتحاد او دريم مقام ارين لوبډلې تر لاسه كړ .
د كركټ بورډ امر محمدمسعود رحماني وويل چې  د دې سياليو څخه يې موخه د منتخبي لوبډلې دپاره د وړ كسانو ټاكنه وه چې هغوى انتخاب شوه او له دې وروسته به  د منتخبي لوبډلې لوبغاړي وي .
تر لوبي وروسته پر اول ، دوهم او دريم مقامونو تحفې او پر ممتازو لوبغاړو سوغاتونه وويشل شوه .
كندهار د هيواد په سطحه په كركټ كې ځانګړى نوم لري او څو ځله يې  د ولايتونو تر منځ په سياليو كې لمړي مقامونه خپل كړي دي .

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery