مرسته     |     دپاڼي نقشه     |     ننوتل
دخپریدو نیټه : 2014-07-14   مخپرونکئ : 098 - دبېنوا اداره - کابل

د ژوند نه انتظار

اشنا

 

 ښکلي بڼونه یي لا هم شته خو مالیار نه لري
 لیلی هغه ده خو لا هغه شان سینګار نه لري

 دغه طبیعي بېوفایي د ژوند ملګرې ده تل
 ځکه پوه خلک پرې باوراواعتبار نه لري

 د نن ځوانۍ کې د سبا ځړښت د نن نه پروت دی
 د دې قانون همدغه کار دی بل هیڅ کار نه لري

 ښیسته ماڼۍ ده پخوانۍ خو لااوس هم پاتې ده
 چې ده محصول د چاد لاس هغه معمار نه لري

 هره شیبه لکه برېښنا د ژوند چټکه درومي
 رابندول یي په هیڅ بڼه هیڅ مهار نه لري

 د شګو بند د سیلاب مخه شي نیولی کله
 که افلاطون شي هم د دې کار ابتکار نه لري

 نو ښه به داوي چې داعمرپه دوستۍ کې تېر شي
(اشنا) د ژوند نه بله هیله او انتظار نه لري

 شاعر- اروښاد سیف الرحمن(اشنا)

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery