مرسته     |     دپاڼي نقشه     |     ننوتل
دخپریدو نیټه : 2014-08-27   مخپرونکئ : 128 - دبېنواخبریال - کابل

په خوست کې له وزيرستاني کډوالو سره مرسته وشوه

احمد فیصل
په استراليا هېواد کې مېشتو افغانانو په خوست ولايت کې له مېشتو يو شمېر وزيرستاني کډوالو سره نغدي مرسته وکړه.د دغې نغدي مرستې د وېش مسوول ولي ګل مخلص وويل، چې ياده مرسته د استراليا هېواد په مېلبورن ښار کې د کونړ، ننګرهار، خوست او د يو شمېر نورو ولايتونو له مېشتو افغانانو څخه راټوله شوې وه.نوموړي وويل، ياده نغدي مرسته په خوست کې پر وزيرستاني کډوالو د مرستو د وېش لپاره د ټاکل شوي کمېسيون له لوري پر ۱۶۰ کورنيو ووېشل شوه او هرې کورنۍ ته پنځه زره افغانۍ ورکړل شوې.د ياد کمېسيون يوتن غړي او د خوست د حقوقو رييس مولوي بورجان وويل، چې له استراليا څخه رالېږل شوې نغدي مرسته يې پر هغو وزيرستاني کډوالو ووېشله، چې اقتصادي حالت يې ډېر کمزوری دی.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery