مرسته     |     دپاڼي نقشه     |     ننوتل
دخپریدو نیټه : 2014-08-27   مخپرونکئ : 049 - دبېنواخبریال - کندهار

پرون د نارنج ماڼۍ تاريخي سيمه کيندل سوې او ورانه سوې ده .

لودين


د ملاشال د تاريخي مسجد تر نړيدو  او د نادرافشار د تاريخي کلا  تر کيندلو وروسته تيره د کندهار د نارنح ماڼۍ کيندل سوې ده او پوليسو يې دوه تنه  د تړاو په تور نيولي دي .
دا دواړه تنه ګل اغا  د شيرين زوی او محمد عمر د محمد اکبر زوی  نوميږي .
نوموړو تيره ورځ د کندهار په زاړه ښار کي تاريخي کلا ( نارنج ماڼۍ ) کيندله ، چې پوليس په خبر سوې او دواړه يې نيولي دي .
د کندهار د امنيه قوماندانۍ وياند ضيا درانی او د اطلاعاتو او فرهنګ رياست د تاريخي ابداتو مدير احمدقيس پيرعلي د ماڼۍ د کيندني تايد کوي او وايې ، چې  نيول سوي کسان تر تحقيقاتو لاندي دي .
دوي مياشتي مخکي هم دا ماڼۍ کيندل سوي وه او تاريخي توکي تري را ايستل سوي وه  ، د رواني يوي مياشتي پر مهال ملاشال احمدشاهي مسجد له بيخه وکښل او د نادرافشار کلا د  پاتي برخي يوه برخه ورانه سوه  .

 


 

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery