مرسته     |     دپاڼي نقشه     |     ننوتل
دخپریدو نیټه : 2014-08-31   مخپرونکئ : 098 - دبېنوا اداره - کابل

د دوو ښوونځیو لپاره جوړې شوې ودانۍ ګټې اخیستنې ته وسپارل شوې.

 

د دغو ودانیو له جملې څخه یوه یې د مرکز اړوند د حیدر خاینو د انجونو د لیسې لپاره نوې جوړه شوې وداني ده چې ۸ تدریسي، ۲ اداري او ۲ د کتابخانې خونې او نور ضروري ملحقات لري چې د ۸ میلیونه او یو لک یویشت زره افغانیو په مجموعي لګښت، چارې یې د نیږدې یو کال په موده کې بشپړې او نن ګټې اخیستنې ته وسپارل شوه.

بله پروژه هم د الینګار ولسوالۍ په انجینر شیر محمد لیسه کې نوې جوړه شوې وداني ده چې ۸ تدریسي، ۲ اداري او ۲ د کتابخانې خونې او نور ضروري محلقات لري چې ټولیز لګښت پرې ۹ میلیونه او ۸ سوه زره راغلی چې د دې ښوونځي چارې هم په نیږدې یوه کال کې بشپړې شوي او نن ګټې اخیستنې ته وسپارل شو.

د یادونې ده چې دا دواړه ودانۍ د سویډن موسسې په همکارئ او د سیدا په مالي لګښت جوړې شوي چې نن یې ګټې اخیستنې ته د سپارلو په غونډه کې پر لغمان والي ډاکتر فضل الله مجددي سر بیره د ولایتي شورا، اطلاعاتو او فرهنګ او پوهنې ئیسانو، د مدني ټولنو او سویډن موسسې استازو او یو شمیر استادانو هم برخه درلوده.

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery