مرسته     |     دپاڼي نقشه     |     ننوتل
دخپریدو نیټه : 2014-08-31   مخپرونکئ : 098 - دبېنوا اداره - کابل

بوډۍ ټاله‎

زرلښته حفيظ بشريار‎

 

 

مصويرمې شه دزړه رنګونه ويشه
 سوله پالوته ښايسته ګلونه ويشه
 تصورکې مې دمينې ځاله جوړکړه
 ټول جهان ته مې دژوندخيالونه ويشه
... ***
بوډۍ ټاله هغه ورځ ورته په يادکړه
 دږلۍ اودباران ماښام فريادکړه
 چې لاسونه مې ګنګل اوزه يواځې
 انقلاب اوجنګ فکرو--نه مې ازادکړه
****
بوډۍ ټاله څورنګونو کې راګيريم
 دنفرت په ديوالونو کې راګيريم
 خپل دسولې ځاله غواړمه لتانه
 زه دجنګ په عذابونوکې راګيريم
****
بوډۍ ټاله زه دسولې يوه هنداره
 اودجنګ دلښکرومينځ کې ايساره
 فلسفه دژوندانه ورنه راوړمه
 يوخيام مې دی ملګری په ټول لاره
****
بوډۍ ټاله ورته وايه ښايسته يي
 ته زما دټول مرام ښه فلسفه يي
 اوازپورته اولسونه رابيدارکړه
 ته دسولې دلښکر سرقافله يي
****
بوډۍ ټاله خپل رنګونوکې مې يوسه
 دايمان په ثوابونو کې مې يوسه
 دالله دربارته وړم ددعالپه
 دکوترې پروازنوکې مې يوسه
****
بوډۍ ټاله تعبيرونه ورنه غواړم
 زه دسولې اميدونه ورنه غواړم
 چې جانان دازادي ناره کړي پورته
 دزرلښت ټول ارمانونه ورنه غواړم

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery