ډاکټر روح الله عرفان
چي د خلقت ترغوټۍ وروسته یې مقام ښکاره سو
ماته یې عکس په آغاز کي د انجام ښکاره سو
څنګه ډاډه دي په خــــپل عمرد حباب په غیږ کي
داسمان چتر یې دژوند پر دوران خام ښکاره سو
څوک به یې ګرځــــوي عکسونه د فنا پر کوڅو
چي په شغله کي د برښنا یې محضي نام ښکاره سو
پرهره خــــــــــــوا چي یې کیدلې د مستیو کیسې
په مغان کې هغه جام ښکاره سو او س یې نسکوره
چي په وږمه یې د بهار د ځوانئ ګل سو خندان
د ژوند پر پاڼه یې د ژیړ تصویر پیغام ښکاره سو
د انـــــــتظار شپې مو سبا کړې د طلوع په هیله
ترګریوانه یې د طلوع مخ ماښام ښکاره سو
د طا غوت ږغ دی اقتدا ورپسي نه کوي څوک
زموږ په مهراب کي دیاغي مذهب امام ښکاره سو
چي په سرو کې نڅیــــــدلې د غرور هنګامې
عرفانه ځکه اوس په هر کام کي ناکام ښکاره سو
