مرسته     |     دپاڼي نقشه     |     ننوتل
دخپریدو نیټه : 2015-03-26   مخپرونکئ : 123 - دبېنوا خبریال - کابل

یاغیانو په غزني کې ۸ملکیانو ته مرګ ژوبله واړوله

سید سلام
د غزني په دهيک ولسوالۍ کې د توغول شوې هاوان مرمۍ له امله دوه ماشومان وژل شوي او يوه مېرمن او پنځه ماشومان ټپيان شوي دي.د غزني د سرپرست والي وياند شفيق ننګ، وويل، چې پرون د غزني د دهيک ولسوالۍ د علي کلا په سيمه کې، وسله والو طالبانو غوښتل چې د ملي اردو پر ځواکونو د هاوان مرمۍ وتوغوي، خو هغه پر يوه کور لګېدلې ده.چې په کې دوه ماشومان وژل شوي، پنځه ماشومان او يوه مېرمنه ټپيان شوي دي.د يوه بل خبر له مخې، د فارياب په قيصار ولسوالۍ کې ١١ وسله والو طالبانو ته مرګ ژوبله اوښتې ده.په فارياب کې د ٢٠٩ قول اردو د لومړۍ لوا وياند جګړن محمد رضا رضايي، وويل، د قيصارولسوالۍ په مربوطاتو کې د پيل شويو عملياتو په ترڅ کې تراوسه پورې ٧ طالبان وژل شوي او ٤ تنه نور ټپيان شوي دي.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery