مرسته     |     دپاڼي نقشه     |     ننوتل
دخپریدو نیټه : 2015-04-27   مخپرونکئ : 128 - دبېنواخبریال - کابل

افغان حکومت له علماوو غوښتي چې له هېواده د دفاع په برخه کې خپله دنده پر ځای کړي

احمد فیصل
افغان حکومت پر علماوو، ولسونو او مدني ټولنو غږ کړی چې له هېواده د دفاع په برخه کې خپله دنده پر ځای او دغه کار یوازې امنیتي ځواکونو ته پرې نه ږدي. د ولسمشرۍ له مطبوعاتي دفتره په یوه خپره شوې اعلامیه کې ویل شوي چې هېوادوال باید ملي یووالی حفظ کړي او د اسلام د لارښوونو په رڼا کې، د خپلې ملي او ديني وجيبې په ترسره کولو د انسان وژنې او فساد روانې لړۍ ته د پای ټکی کېږدي. سرچینې ویلي چې د افغانستان حکومت خپلو خلکو ته ډاډ او دښمنانو ته خبرداري ورکوي چې ملي امنيتي ځواکونه په داسې حال کې چې د سولې الهي اصل او انساني ارزښت ته ژمن دي، د خپل ملي او ديني ناموس د ساتنې لپاره د خپلو خلکو ترڅنګ ولاړ دي او د هر ډول ګواښ د مقابلې وړتيا او زړورتيا لري.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery