مرسته     |     دپاڼي نقشه     |     ننوتل
دخپریدو نیټه : 2015-05-25   مخپرونکئ : 090 - دبېنواخبریال -کابل

د زابل ځانمرګي بريد د ولايتي شورا ۴ غړي او ۶۷ عام وګړي ټپيان کړل .

لودين
د زابل د ځانمرګي بريد له امله د ولايتي شورا څلور غړي او ۶۷ تنه عام وګړي ټپيان سول . بريد نن تر غرمې مخکي يوولس بجې د مازدا موټر څخه په ګټي اخستني د ولايتي شورا پر ودانۍ وسو . د زابل د ولايتي شورا رييس عطاجان حق بيان وايې ، چې د بريد پر مهال د ولايتي شورا نوبتي غونډه روانه وه او لسګونه کسان د خپلو عريضو د وړاندي کولو دپاره د ولايتي شورا ودانۍ ته ورغلي وه . نوموړی وايې په بريد کې د ولايتي شورا څلور غړي او ۶۷ تنه عام وګړي چې د شورا تر څنګ د يو شمير دولتي ادارو مراجعين وه ټپيان سوي دي ، چې ۱۷ تني يې ښځي دي . د نوموړي په وينا چې د يو شمير ټپيان ټپونه ژور دي ، چې د درملني دپاره کندهار ته ليږل کيږي . نوموړی وايې ، چې په سيمه کې د شورا ودانۍ او دولتي ادارو ودانيو ته هم سخت مالي زيانونه رسيدلي دي . د زابل ولايت امنيه قومندان مل پاسوال ميرويس نورزى هم د پيښي پخلی کوي او وايې ، چې بريد د مازدا موټر څخه په ګټي اخستني سوی دی . د بريد مسووليت تر دې مهاله چا په غاړه نه دی اخستی او نه يې هم وسله والو طالبانو په اړه څه ويلي دي .
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery