مرسته     |     دپاڼي نقشه     |     ننوتل
دخپریدو نیټه : 2015-07-28   مخپرونکئ : 128 - دبېنواخبریال - کابل

والی: داعش په کونړ کې جدي ننګونه نه ده

احمد فیصل
د کونړ والي وحیدالله کلمیزی وايي، د دوی د کشفي راپورونو پر بنسټ په دغه ولایت کې د داعش ډلې جلب او جذب لا هم روان دی؛ خو دغه ډله تر اوسه د ولایتي ادارې پر وړاندې جدي ننګونه نده او نه یې هم فعالیتونه پيل کړي دي. کلمیزي وویل، د دوی د راپورونو پر بنسټ ښايي دغه ډلې له دوه تر درې سوه کسان په کونړ کې جذب کړي وي؛ خو د ګنګوسو خلاف یې تر اوسه په دغه ولایت کې هیڅ ډول فعالیت ندی کړی. دده په وینا د کونړ امنیتي حالت د هېواد د نورو سیمو په پرتله ښه شوی او د لا ښه والي لپاره یې هم دوی ځانګړې پروګرامونه لري. د والي په وینا په دغه ولایت کې عرب، چیچین او پاکستاني اتباعو په ګډون په لرې پرتو ولسوالیو کې یو شمېر بهرني جنګیالي فعال دي؛ خو د ولایت ټولې ولسوالۍ د دولت تر ولکې لاندې او تګ راتګ ورته له کومې ستونزې پرته ترسره کیږي. کونړ د هېواد په ختیځ کې پر ډیورنډ پروت ولایت دی، چې د چارواکو په وینا د مخالفینو ګڼې ډلې په کې فعالې دي او هره یوه یې جلا جلا فعالیت کوي.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery