مرسته     |     دپاڼي نقشه     |     ننوتل
دخپریدو نیټه : 2015-10-02   مخپرونکئ : 128 - دبېنواخبریال - کابل

امنیتي چارواکي وایي د بدخشان لپاره د طالبانو نومول شوی والي وژل شوی

احمد فیصل
د کورنیو چارو وزارت وایي بدخشان ولایت لپاره د طالبانو والي له ۴۰ وسلوالو سره وژل شوی دی. د کورنیو چارو وزارت په یوه خبرپاڼه کې ویل شوي چې پر طالبانو دغه هوايي برید د بهارک ولسوالۍ د امبي یردار په سیمه کې شوی دی. سرچینې زیاته کړې چې ددغه برید په پایله کې د بدخشان لپاره د طالبانو والي او د شمال ختیځو سیمو د طالبانو قوماندان قاري فصیح الدین له خپلو ۴۰ وسلوالو سره وژل شوی دی. خو د طالبانو ویاند ذبیح الله مجاهد د قاري فصیح الدین وژل کیدل رد کړي دي. د یادونې وړ ده چې پرون د بهارک ولسوالۍ د سقوط راپورونه ورکړل شوي وو، خو د کورنیو چارو وزارت په خبرپاڼه کې په دې اړه څه نه دي ویل شوي.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery