مرسته     |     دپاڼي نقشه     |     ننوتل
دخپریدو نیټه : 2015-10-02   مخپرونکئ : 128 - دبېنواخبریال - کابل

پولیسو د پکتیکا مرکز کې ځانمرګی بریدګر نیولی دی

احمد فیصل
د پکتيکا چارواکي وايي، د دې ولايت په مرکز ښرنه کې يو ځانمرګى بريدګر موخې ته له رسېدو وړاندې ژوندى نيول شوى دى. د پکتيکا د امنيه قوماندانۍ د امنيت امر سمونوال نثاراحمد عبدالرحيمزي، وويل چې د پوليس د ځانګړې قطعې له لوري د مرکز ښرنې په دوه کيلومترۍ کې د فاطمه خېلو په کلي کې د کشفي راپورونو پربنسټ عمليات کړي، چې په پايله کې يې يو ځانمرګى بريدکوونکى له واسکټ سره لاس په لاس نيول شوى دى. ده زياته کړه، د دې ځانمرګي موخه د پوليسو د ځانګړې قطعې قوماندان عزيزالله کاروان و. د هغه په وينا، له نوموړي سره درې تنه نور شکمن کسان هم نيول شوي او دا مهال د پوليسو له لوري ترې پوښتنې روانې دي. د ځانګړو ځواکونو قوماندان عزيز الله کاروان، وويل نيول شوی ځانمرګی په يوه کور کې نيول شوی، چې په نيولو سره يې د زيات شمېر بې ګناه هېوادوالو ژوند وژغورل شو. د فاطمه خېلو کلي اوسېدونکو هم د ياد کس نيول کېدل تاييد کړي، خو په اړه يې نور معلومات نه دي ورکړي.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery