مرسته     |     دپاڼي نقشه     |     ننوتل
benawa-etisalat
دخپریدو نیټه : 2015-10-28   مخپرونکئ : 039 - دبېنوا اداره - کابل

اضافه وریښتان او درملنه یې!

ډاکټر عبدالولي اعتماد

 

 ( د پوستکي او ښکلا معالج)
ایمیل: Abdulwalietemaad@gmail.com
د معلوماتو شمېره: 0782101194
اضافه وریښتان په ښځو کي د ښایست لپاره یو لویه ستونزه ده. چي زیاتره اضافه وریښتان یې پر زنه، غاړه، سینه، د شونډانو پر شاوخوا، ملا او کله بیا پر لاسونو او پښو باندي لیدل کیږي!
 په ځینو حالاتو کي دا ستونزه په ارثي شکل سره وي چي د کورنۍ نور غړي هم اضافه وریښتان لري.
د ځینو دواو استعمال په ځانګړې توګه د ستیرویدونه لکه بیتامتازون، تریامیسنولون... هم د اضافه وریښتانو منځ ته را تلو لامل ګرځي.
په ښځینه برخه کي د اضافي وریښتانو یو لوی لامل د نارینه ای هورمونو زیاتیدل دي، چي زیاتره یې د تخمدان د سیسټ په وخت کي لیدل کیږي. په داسي حالت کي د وریښتانو د زیاتیدو سره کیداسي د سر وریښتان کمزوره سي، د بدن وزن زیات سي، په ښځو کي میاشتنی عادت غیري منظم وي او پر مخ یې داني هم راخیژي.
د اضافه وریښتانو د لمنځه تلو لپاره کولای سو چي هغه په لاس سره وکاږو، د کریم په واسطه یې کمزوره کړو یایې دلیزر په واسطه د ټول عمر لپاره ورک کړو.
د اضافي وریښتانو د ټول عمر لپاره د منځه تلو په خاطر تاسي باید د پوستکي متخصص ته مراجعه وکړی، تر څو لامل یې درته په نښه او درملنه یې وکړي. ددې تر څنګ په چاغو کسانو کي د وزن کمښت د اضافي وریښتانو په کموالي کي مرسته کوي.
په لیزر سره د اضافي وریښتانو درملنه یوه ګټوره او اسانه لار ده چي اوس مهال یې استعمال زیات او ګټور تمام سوی دی.

spozmai radio mainport ipower
Answer Machine : + 1 (518) 5577770   --   USA Tel : +1 518 3662728   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2014   All Rights Reserved     Powered by:Benawa Network     Design by: Khalid Hadi Hiadery