مرسته     |     دپاڼي نقشه     |     ننوتل
دخپریدو نیټه : 2015-11-24   مخپرونکئ : 128 - دبېنواخبریال - کابل

یوې چرلکې په فاریاب کې بېړنۍ ناسته کړې او امله یې د طالبانو لاسته ورغلې ده

احمد فیصل
وسله والو طالبانو په فاریاب کې د افغانستان د ملي اردو یو شمېر غړي او د هغې قراردادي پېلوټان وروسته له دې ژوندي ونیول چې څرخکې یې د ویشتل کېدو له کبله بیړنۍ ناسته وکړه. افغان او امریکايي چارواکو وویل چې یوه ایم آی – ۱۷ څرخکه تیره ورځ مخکې تر دې چې د فاریاب ولایت د پښتونکوټ ولسوالۍ په غزتېپه سیمه کې پر مځکه کښېني، په راکټ وویشتل شوه. دا سیمه له یوې میاشتې راهیسي د وسله والو طالبانو په ولکه کې ده. په فاریاب کې د ملي اردو د ۲۰۹ قول اردو د لومړۍ لوا ویندوی جګړن رضا رضايي هم دا خبره تایید کړه. د افغانستان د هوايي ځواک ویندوی ډ‌ګروال محمد بهادر وویل چې دا څرخکه د افغان هوايي ځواک نه ده بلکې د یوې شخصي کمپنۍ هیلي کوپتر ده.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery