مرسته     |     دپاڼي نقشه     |     ننوتل
دخپریدو نیټه : 2016-01-09   مخپرونکئ : 039 - دبېنوا اداره - کابل

زمرو ته د زرمت

محمدامین بسیمل

 

 خونکاراومکار بیا راغلل کوڅوته د زرمت
 پردیو رالېږلي ورانېدو ته د زرمت

 هغه چې تښتېدلي وو کولاب اوآصفهان ته
 مردارې پښې یې راوړې شنوباغچوته د زرمت

 در تو کړئ داپیت پوزي او چیت سترګي له دې ځایه
 ناولو پښو یې بوی ورکړ دېرو ته د زرمت

 دا واړه مریضان دي په سادیزم مبتلا
 چې داسې خوشالي کړي سوځېدو ته د زرمت

 دوی څوځلې راغلې اوبیاهرځل تښتېدلي
 دا کله ټېنګېدی شي سرو زمرو ته د زرمت

 غلیمه هېر دې نشي د حساب انتظار باسه
 یو وخت به دې راکش کړمه توبوته د زرمت

 ای ربه هغه شپې او ورځې بیا کړه را په برخه
 چې ورځې د اختر وي ځو مېلو ته د زرمت

 جانانه دسپوږمۍ او روڼوستورو وخت به راشي
 یوځای به سره درومو زیارتو ته د زرمت

 دسهاکو په باغو به سره ګرځو لاس ترغاړه
 رنګ ورکړه د زړه سره ګلابو ته د زرمت

 بســـمله په قلم دې غلیمان له تېغه تېر کـــړه
 چې بیا زړګی ښه نه کړي نړېدوته د زرمت

http://nakhtar.bloguna.tolafghan.com/posts/21214

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery