مرسته     |     دپاڼي نقشه     |     ننوتل
دخپریدو نیټه : 2016-05-04   مخپرونکئ : 128 - دبېنواخبریال - کابل

مدني فعالان: که د ټوټاپ پروژې د لېږد لورى بدلون ونه کړي په ټول هېواد کې به لاریونونه پیل کړو

احمد فیصل
د ملي شورا او مدني فعالانو يو شمېر غړي ګواښ کوي، چې که د ټوټاپ پروژې د لېږد لورى تر راتلونکو درېيو ورځو پورې بدلون ونه کړي نو په ټول هېواد کې به پراخه لاريونونه ترسره کړي، خو د انرژۍ او اوبو وزارت وايي چې د دغه لوري بدلون ډېر لګښت او ډېرې مودې ته اړتيا لري. د ټوټاپ پروژه کې ٥٠٠ ميګاواټه برېښنا له ترکمنستان، ازبکستان، تاجکستان هېوادونو څخه د افغانستان له لارې پاکستان ته لېږدوي. د حکومت کابينې په دې وروستيو کې پرېکړه کړې چې دغه پروژه بايد د سالنګ له لارې ولېږدول شي، خو دغه پرېکړه بيا د ولسمشرۍ ماڼۍ او اجراييه رياست د دويم مرستيالانو، مدني فعالانو او د ملي شورا يو شمېر غړو له سخت غبرګون سره مخ شوې ده. تیره ورځ په ولسي جرګه کې د خلکو يو شمېر استازو او مدني فعالانو، په يو اعتراضي لاريون کې د حکومت دغه ګام له تبعيض ډک وباله. خو د اوبو او انرژۍ وزیر علي احمد عثماني چې پرون يې په يوه خبري ناسته کې خبرې کولې، وويل چې د ټوټاپ پروژه په ١٣٩٣ لمزيز کال کې د سالنګ له لارې مشخصه شوې وه او له همدې لارې کم لګښتونه لري.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery