مرسته     |     دپاڼي نقشه     |     ننوتل
benawa-etisalat
دخپریدو نیټه : 2016-09-15   مخپرونکئ : 039 - دبېنوا اداره - کابل

غزل

نیکمل ځاځي

ستا په څير مې غريبي ده ای ملنګه
 زما هم ډيره نيستي ده ای ملنګه

 دا چې داسې تش لاسونه رانه درومې
 خدايګو لاس مې ډير خالي ده ای ملنګه

 له کچکول څيرې ګريوان نه دې قربان شم
 څومره ښکلې دې ځواني ده ای ملنګه

 زه او ته چې داسې در په در ګرځيږو
 دې وطن کې بدبختي ده ای ملنګه

 د نړۍ په فکري جنګ کې انحصار يو
 هسې نوم يې آزادي ده ای ملنګه

 مونږ بې وسو لره هر څه دلته ګران دي
 د سرو وينو ارزاني ده ای ملنګه

 جنګ دې ورک شي رنګ يې ورک شه سوله غواړو
 دا مو هيله د زړګي ده ای ملنګه

 بې موجبه په وړو خبرو وران يو
 عجيبه مو تربګني ده ای ملنګه

 راځئ يو او بل ته لاس ورکړو چې يو شو
 په دې کار کې کاميابي ده ای ملنګه

 هغه څه چې مونږ مقصد ته پرې رسيږو
 اتحاد او ورورولي ده ای ملنګه

 ما نيکمل ته خوشحالي نصيب کې نشته
 بس غمجنه زندګي ده ای ملنګه

ipower aicts spozmai radio
Answer Machine : + 1 (518) 5577770   --   USA Tel : +1 518 3662728   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2014   All Rights Reserved     Powered by:Benawa Network     Design by: Khalid Hadi Hiadery