مرسته     |     دپاڼي نقشه     |     ننوتل
دخپریدو نیټه : 2016-11-07   مخپرونکئ : 103 - دبېنواخبریال - کابل

له کندهار محبس څخه ۳۹ بنديان ازاد سول

benawa afghanistan
خبریال: احمدالله سمون
ولسمشر محمد اشرف غني د ۵۵ ګڼي فرمان له مخي هغو بنديانو د خوشي کېدو په اړه چي د بند کمه موده يې پاته وي، د کوچني اختر په مناسبت فرمان صادر کړی وو چي له مخي يې نن غرمه د ۴ مېرمنو په ګډون ۳۹ بنديان خوشي سول او د ۵۳ بندیانو د بند په موده کي کموالي راوستل سوو. د کندهار د ولایت مقام څخه په را استول سوي خبرپاڼه کي ویل سوي چي د دغو بنديانو دوسيې ځنډېدلي وې چي د مرستيال والي او استيناف څارنوال په هلوځلو بشپړي سوې او له تکميلېدو سره سم بنديان خوشي سول. سرچینه وايي چي د ولايت مقام مرستيال عبدالعلي شمسي د بنديانو د خوشي کېدو په مراسمو کي وويل چي د دوی دوسيې د ځينو ستونزو له امله ځنډېدلي وې او له بشپړېدو سره سم بنديان ازاد سول. خبرپاڼه وايي چي نوموړي د محبس له کارکوونکو څخه مننه وکړه چي له بنديانو سره سم چلند کوي او د دوی د مراقبت چاري په سمه توګه مخته وړي
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery