مرسته     |     دپاڼي نقشه     |     ننوتل
Rahat Gas
دخپریدو نیټه : 2016-11-13   مخپرونکئ : 039 - دبېنوا اداره - کابل

ورځه رب ته دغه ټولې کيسې وکړه !

اسدالله غيرت
 / پکتيا
ځه نو ، چاته ته په تمه يې شهيده !
ورځه رب ته دغه ټولې کيسې وکړه
ورته ووايه چې داسې درته راغلم
ته مې وينې ، ته مې ګورې
اندامونه مې خواره واره پراته دي
ديوالونه مې په وينو باندې سره دي
ورځه رب ته دغه ټولې کيسې وکړه
د هېواد د بې احساسه حاکمانو
د بشر د تش په نوم ټيکدارانو
د نړۍ د پرديپالو مسلمانانو
ورځه رب ته دغه ټولې کيسې وکړه
ځه نو . چاته ته په تمه يې شهيده ؟
دلته ستا د زړه سوي څوک دي ؟
بې له خاورو له طوپانه
چې په سر درته تاويږي
ستا پر خال باندې ژړيږي .
پای
۱۳۹۵-۸-۱۵
spozmai radio ipower mainport
Answer Machine : + 1 (518) 5577770   --   USA Tel : +1 518 3662728   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2014   All Rights Reserved     Powered by:Benawa Network     Design by: Khalid Hadi Hiadery