مرسته     |     دپاڼي نقشه     |     ننوتل
Rahat Gas
دخپریدو نیټه : 2016-11-26   مخپرونکئ : 039 - دبېنوا اداره - کابل

تاسو بريالي شوی !

اسدالله غيرت


تاسو رښتيا هم بريالي شوی ، تاسو د وخت په هر قالب کې ځانونه ځای کړل ، تاسو له خالتو سره لکه موسمونه داسې بدل رابدل شوی ، تاسو اوس په لويو لويو ماڼيو کې تر سترګو کيږی ، تاسو اوس د وخت له زورواکو او ښاغلو سره سلفيانې کاږی ، تاسو اوس تر هر چا ښاغلي او مخترم ياست .

تاسو رښتيا هم بريالي ياست !

تاسو د ځان غوښتنې او شهرت لپاره د هر زورواکې دروازې ټکوی ، تاسو د بې عدالتيو پر وړاندې د هر غږ د خاموش کيدو واله ياست ، تاسو د فاسدو انسانانو د بې ځايه ستاينو معتادين ياست ، تاسو د هېواد او سيمې د بې وزلو د حقونو خوړلو ارمانجن ياست ، تاسو د فساد پر وړاندې د هرې نارې غندونکې ياست او بلاخره تاسو ، تاسو ياست .

تاسو بريالي شوی !

تاسو ددې ټولو ځانګړتياوو په لرلو سره بياهم بريالي شوی ، تاسو د وخت د حاکمانو لخوا د ښاغلو په نومونو ياد شوی ، تاسو ته تر بل هر چا زيات ارزښت درکړل شو ، تاسو بېلا بېلو ځايونو ته وبلل شوی ، تاسو په ستاينليکونو ونازول شوی ، تاسو د بېلا بيلو کړيو هر ناروا غږ ته د شور ورکولو اصلي ادرس معرفي شوی او بلاخره تاسو د يوې سيمې اصلي او رښتينې مسولين وپيژندل شوی .

تاسو ورټل شوی !

تاسو د خپلو بدرنګو او دوه مخو کړنو له امله په ولسونو کې ورټل شوی ، سپک شوی ، ذليله شوی او بلاخره خدای ج ته ټيټ سترګې او شرمنده شوی .

پرورديګاره خدايه !

ما او هغوی ته ددې ولس د رښتيني چوپړ توان راکه ، کنه د دنيا له مخې مو ورک کړه .

پای

ipower mainport spozmai radio
Answer Machine : + 1 (518) 5577770   --   USA Tel : +1 518 3662728   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2014   All Rights Reserved     Powered by:Benawa Network     Design by: Khalid Hadi Hiadery