مرسته     |     دپاڼي نقشه     |     ننوتل
Rahat Gas
دخپریدو نیټه : 2016-12-18   مخپرونکئ : 039 - دبېنوا اداره - کابل

په کندهار کي د سولي په اړه پراخه غونډه وسوه

جواد

په کندهار کي د سولي په اړه پراخه غونډه وسوه د کندهار په يوه خصوصي سالون کي نن سهار د سولي په اړه يوه پراخه غونډه جوړه سوه چي د کندهار، کابل، هرات، پکتيا، غور، بادغيس، فرا، روزګان، زابل او هلمند ګڼ شمېر چارواکو، علماوو، روحانينو، قومي مخورو، د خلکو استازو او ځونانو ګډون کړی وو.

د غونډي ګډونوالو په يوه ږغ پر افغان دولت او مخالفينو ږغ وکړ چي د سولي لپاره واقعي هڅي وکړي، لاس سره ورکړي او د خپل هيواد آبادۍ ته ملا وتړي.

د غونډي په پيل کي کندهار والي ډاکټر محمد همايون عزيزي وويل چي په اسلام کي سوله تر وروستي حده لازمه بلل سوې ده، حتی تر دې چي که د سولي له قيام سره زيانونه تړلي وي، بيا دي هم مسلمانان سولي ته غاړه کښېږدي او د حديبيې د سولي د تړون په اړه يې توضيحات ورکړل چي په اسلام کي يوه نه هېرېدونکې پېښه وه.

هغه زياته کړه: نن موږ او تاسي د قرآنکریم له لارښووني سره سم راغونډ سوي یو، تر څو د سولي په اړه چي الله تعالی تر جګړې غوره بللې ده، خبري وکړو. زه باوري يم چي د دې ستر ګام اخيستونکو ته به الله دنيوي او اخروي اجرونه ورکړي.

ipower mainport spozmai radio
Answer Machine : + 1 (518) 5577770   --   USA Tel : +1 518 3662728   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2014   All Rights Reserved     Powered by:Benawa Network     Design by: Khalid Hadi Hiadery