مرسته     |     دپاڼي نقشه     |     ننوتل
benawa-etisalat
دخپریدو نیټه : 2016-12-27   مخپرونکئ : 039 - دبېنوا اداره - کابل

د واټس اپ کیسه!!

عبدالغني

 واټس اپ یو پیغام، انځور، ویډیو او... لیږونکی اپلیکیشن دی چې په اندرایډ او سمارټ فون کې استعمالیږي.
د واټس اپ WhatsApp لفظ لهWhat’s up نه اخیستل شوی دی چې په پښتو ژبه کې یې معنی”څه روان دي“ ده.
واټس اپ د یاهو دوو کارکونکو جین کوم او براین ایکټن په ۲۰۰۹ کال کې جوړ کړ.
کله چې د ۲۰۰۷ کال د سپټمبر په میاشت کې کوم او ایکټن د یاهو په کمپنۍ کې دنده پریښوده؛ فیسبوک ته یې د دندې تر سره کولو غوښتنه ولیږله خو د فیسبوک لخوا ونه منل شوه.
وروسته جین کوم له یو روسي ډیولپیر سره یو ځای واټس اپ ډیزاین کړ او د iOS په سټور باندې یې نشر کړ.
له نشر کیدو څه موده وروسته واټس اپ په ټوله نړۍ کې مشهوره شو، تر دې چې په ۲۰۰۹ کال کې د پیغام لیږلو په برخه کې د نړۍ تر ټولو زیات استعمالیدونکی اپلیکیشن وګڼل شو.
په ۲۰۱۳ کال کې ۲۰۰ ملیونه کسانو واټس اپ کاراوه او په ۲۰۱۴ کال کې یې د استعمالوونکو شمېر لا زیات شو او ۵۰۰ ملیونه استعمالونکې یې پیدا کړل.
فیسبوک د ۲۰۱۴ کال د فروري په میاشت کې واټس اپ په ۱۹.۳ بلیونه ډالر واخیست؛ او ډېرې نورې اسانتیاوي یې ور اضافه کړې.
د ۲۰۱۶ کال د فروري په میاشت کې د یو نشر شوي خبر له مخې”واټس اپ یو ارب استعمالونکې لري(مطلب په نړۍ کې په هرو ۷ کسانو کې یو کس واټس اپ استعمالوي)؛ او هره ورځ په واټس اپ باندې ۴۲ بیلیونه پیغامونه، ۱.۶ بلیونه انځورونه او ۲۵۰ ملیونه ویډیوګاني نشریږي. “
د واټس اپ دفتر(هېډ کوارټر) د کالیفورنیا ایالت په Mountain View سیمه کې دی.
aicts spozmai radio mainport
Answer Machine : + 1 (518) 5577770   --   USA Tel : +1 518 3662728   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2014   All Rights Reserved     Powered by:Benawa Network     Design by: Khalid Hadi Hiadery