مرسته     |     دپاڼي نقشه     |     ننوتل
benawa-etisalat
دخپریدو نیټه : 2017-01-04   مخپرونکئ : 039 - دبېنوا اداره - کابل

کابل کې د تخنیکي او مسلکي زده کړو مرکز د جوړېدو چارې پیل شوې

جواد


د افغانستان د پوهنې وزارت د عربي متحده ایالتونو په مالي مرسته د کابل ښار اړوند د ۱۲ مې ناحیې په احمدشاه بابا سیمه کې د یو باب تخنیکي او مسلکي زده کړو مرکز د جوړېدو چارې پیل کړې.

د یاد مرکز نوې ودانۍ، چې د متحده عربي اماراتو په مالي مرسته جوړېږي درسي او اداري ټولګي، لابراتوارونه، د عملي کارونو لپاره ورکشاپونه، ورزشي لوبغالي او درسي وسایل او تجهیزات به ولري. پر دې ودانۍ شاوخوا پنځه میلیونه امریکايي ډالره لګښت راځي، د متحده عربي اماراتو د خلیفه بن زاید آلنهیان بنسټ لخوا ورکول کېږي.

ددې انستیتوت له جوړېدو سره به شاوخوا زر تنه زده کوونکو ته د اقتصاد، سوداګرۍ، کلتور او فرهنګ څانګو کې د نیمه لوړو زده کړو اسانتیاوې برابرې شي.

aicts spozmai radio mainport
Answer Machine : + 1 (518) 5577770   --   USA Tel : +1 518 3662728   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2014   All Rights Reserved     Powered by:Benawa Network     Design by: Khalid Hadi Hiadery