مرسته     |     دپاڼي نقشه     |     ننوتل
benawa-etisalat
دخپریدو نیټه : 2017-01-17   مخپرونکئ : 039 - دبېنوا اداره - کابل

ما شهيدان ورکړيدي

روغوال

 


 کله چې مجاهدين افغانستان ته داخل شول، نو د هر رهبر او هرتنظيم خپله- خپله بادشاهي شوه، نو يو نفر چې د خپلې کورنۍ څخه يې څو نفره شهيدان ورکړي وو، نو د خپل تنظيم مشر ته ورغی او ورته يې وويل: چې ما ډېر شهيدان ورکړيدي، نو ماته به دا پلانکۍ دولتي دښته حتمي راکوې، چې زه يې نمرې کړم او په خلکو باندې يې خرڅې کړم او پيسې يې د شهيدانو په خپلوانو (وارثانو) باندې تقسيم کړم، نو دې رهبر ورته په ځواب کې وويل: چې ستا د شهيدانو شهادت دې الله تعالی په خپل دربارکې قبول او منظور کړي. د هغوی شهادت مه خرابوه او دا دښته د ټولو افغانانو حق دی. زه دا کار بېلکل کولی نشم، نو دې نفر ورته وويل: چې ای رهبره! ورځ د قيامت خو منې، نو دې رهبر ورته وويل: چې ولې يې نه منم، شکر دي مسلمان يم. چې که ته دا کار ونکړې، نو په ورځ د قيامت به زما لاس او ستا به ګرېوان وي، نو دې مشر ورته په خندا کې وويل: چې ای نادانه! ته لا لدې څخه ناخبره يې، چې د قيامت په ورځ خو به د هيچا په تن کې کالی نه وي، نوکله چې زما په تن کې کالي نه وي، نو ته به مې څنګه د ګرېوانه ونيسې، خو يوازې دا يو کار کولی شې، چې د ګرېوان په ځای مې ددی... څخه ونيسې.


 

ipower aicts mainport
Answer Machine : + 1 (518) 5577770   --   USA Tel : +1 518 3662728   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2014   All Rights Reserved     Powered by:Benawa Network     Design by: Khalid Hadi Hiadery