مرسته     |     دپاڼي نقشه     |     ننوتل
benawa-etisalat
دخپریدو نیټه : 2017-09-20   مخپرونکئ : 039 - دبېنوا اداره - کابل

د شهیدانو له یوې کورنۍ سره د خوراکي توکو مرسته وشوه.

benawa afghanistan
راحیله جواد
د پکتیکا ولایت په یحی خېلو ولسوالۍ کې خاوند او ښځه هغه وخت شهیدان کړل چې روغتون ته د درملنې په موخه روان وو

 

په پکتیکا کې د شهیدانو له هغې کورنۍ سره د اړینو خوراکي توکو مرسته وشوه چې څو ورځې وړاندې یې د کورنۍ دوه غړي د وسلوالو طالبانو له لوري شهیدان شوي وو.
وسله والو طالبانو څو ورځې وړاندې د پکتیکا ولایت په یحی خېلو ولسوالۍ کې خاوند او ښځه هغه وخت شهیدان کړل چې روغتون ته د درملنې په موخه روان وو.
د یادو شهیدانو له کورنۍ سره د پکتیکا ولایتي ادارې له لوري نن د یو لړ خوراکي توکو مرسته وشوه.
د پکتیکا د والي ویاند محمد الرحمن ایاز وايي ، له یادې کورنۍ سره یې د لومړنیو توکو مرسته ترسره کړه او په وینا یې نورې مرستې هم ورته په پام کې لري.
د ده په خبره، وسله والو طالبانو همېشه بې ګناه ملکي وګړي، ښځې او ماشومان په نښه کړې او په خبره یې  چې وسلوال دا کارونه په ډېرې بې رحمۍ سره ترسره کوي.

spozmai radio mainport aicts
Answer Machine : + 1 (518) 5577770   --   USA Tel : +1 518 3662728   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2014   All Rights Reserved     Powered by:Benawa Network     Design by: Khalid Hadi Hiadery