مرسته     |     دپاڼي نقشه     |     ننوتل
Rahat Gas
دخپریدو نیټه : 2014-08-01   مخپرونکئ : ۱۲۱ بېنوا - جنوبي پښتونخوا

دسمعي دلیلوقسمونه اوددوی مربوطه احکام

دارالافتاءابوالفضل

دسمعي دلیلوقسمونه اوددوی مربوطه احکام :

مستفتي  :  سيداحمدکندهار
شيخ الحديث والتفسير علامه أبوالفضل صاحب ته السلام عليکم ورحمة الله وبرکاته ، الله مو موفق او بريمند لره ، ستاسي له خدماتو څخه ډير خوښ يم او خدای دی ستاسی دينی ستړوياوي په خپل دربار کښی قبولي وګرځوي .
عاليقدره ! پوښتنه مي داده چي دقطعیت اونه قطعیت په اعتبارشرعي سمعي دلیلونه څوقسمه دي ،مننه

الجواب ومنه الصوب ، نحمده ونصلي علي رسوله الکريم .


شرعي او سمعي دليلونه د قطعيت او ظنيت په اعتبار پر څلور قسمه دي :
 (۱) :  قطعِيّ الثبوت  والدلالة ، يعني چي ثبوت او دلالت پر معنی يې دواړه قطعي او يقيني وي  ، لکه د قرآنکريم  قطعي ایاتونه ، او لکه هغه متواتر حديثونه چي معنی يې قطعي وي  .
(۲)  : قطعيّ الثبوت ظني الدلالة  ، يعني هغه چي ثبوت يې قطعي او يقيني وي خو پر خپله معنی باندي يې دلالت يقيني نه وي بلکي ظني او احتمالي وي ، لکه د قرآنکريم هغه اياتونه چي په هغو کښي تأويلات سويوي  .
(۳)  :  ظني الثبوت قطعي الدلالة  ، يعني چي د هغه ثبوت ظني وي ليکن دلالت پر معنی يې قطعي او يقيني وي ، لکه هغه حديثونه چي متواتر نه وي أحَاد وي او معنی يې قطعي او يقيني وي  .
(۴)  : ظني الثبوت ظني الدلالة  ، يعني هغه چي ثبوت او دلالت يې دواړه ظني او غير يقيني وي ، لکه هغه خبر واحد حديثونه چي مفهوم او معنی يې ظني وي  .
پورتني څلور قسمه دلايل د احکامو په ثابتولو کښي هم سره مختلف دي  ، پدې ډول چي په اول قسم دليلو سره فرضوالئ  او حراموالئ د يو شي  ثابتيږي ، او په دوهم او دريم قسم دليلو سره د يو شي وجوب او کراهت تَحْريميْ  ثابتيږي ، او په څلرم قسم دليل سره د يو شي سنتوالئ يا مستحبوالئ ثابتيږي  .
دلته په يوه بله خبره هم ځان پوهول پکار دي هغه دا چي کله کله د مجتهد په نزد يو ظني دليل دونه قوت پيدا کړي چي قطعي او يقيني دليل ته قريب سي ، نو پداسي دليل سره که يو شئ ثابت سو هغه ته فرضِ عَمَلي ويل کيږي ؛ ځکه چي له داسي شي سره د فرض په ډول معامله کيږي چي عملي کول يې ضرور او واجب دي ، دارنګه دغسي شي ته واجب هم ويل کيږي په اعتبار ددې چي دليل او مُثبِت يې ظني او غير يقيني دئ ، دغه قسم  فرض تر واجب قوي او ترفرضو کښته درجه لري .
(الشامي ج۱ ص ۸۸) .

که ستاسي سره هم کومه دیني پوښتنه وي نو ....
۱ ــ لومړئ د دارالافتاء فتواوي ددې ځای په کلیک سره وګورئ ښائې ستاسي دپوښتني په اړه فتوا مخکي صادری سوې وي چي په بیا رالیږلومووخت ضایعه نسي
۲ ــ پوښتني بایدداسي وي چي په دین کښي ضرورت ورته وي یادعمل ،یادعقیدې په اعتبار
۳ ــ پوښتني کوونکئ باید په مذهب دامام اعظم أبوحنيفه (رحمه الله) وي یا اقلا په څلورو مذهبوکښي دیوه تابع وي
۴ ــ دیوې پوښتني درالیږلو وروسته موږته یوڅوورځي وخت راکړي څوموږپه ترتیب سره رارسیدلي پوښتني جواب کړو
۵ ــ ګراني خویندي هم خپلي شخصي پوښتني دلته رالیږلی سي خوباید په لیک کي پر پاڼي دخپریدویا یوازي په بریښنالیک دجواب غوښتلو یادونه پکښي وکړي
۶ ــ خپلي دیني پوښتني مو د جیدو علماء کرامو څخه دمستندو جوابو دحاصلولو لپاره ددې ځای په کلیک سره راولیږئ
ipower aicts mainport
Answer Machine : + 1 (518) 5577770   --   USA Tel : +1 518 3662728   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2014   All Rights Reserved     Powered by:Benawa Network     Design by: Khalid Hadi Hiadery