امنیتي چارواکي خبر ورکوي چه د زابل ولایت کي د حکومتي او نړیوالو سرتیرو په پلټنیزو عملیاتو کي یوه اندازه وسلي او مهمات تر لاسه سویدي.
د نړیوالو ځواکونو یوه خبرپاڼه لیکي چي د دوي عسکرو پرون د زابل په شرقي ولسوالۍ شاه جوي کي عملیات کول چي دغه وسلي او مهمات يي پیداکړل.
دغه خبرپاڼه زیاتوي چي په ترلاسه سویو وسلو کي ۱۲۲ ملي متري توپونه، د سړک د غاړي د بمونو توکي او نور مهمات شامل دي
د زابل ولایت امنیتي چارواکي هم وايي چي د وسلو زیرمه نیول سوې خو ورسره د تړاو په تور څوک ندي نیول سوي او زیاتوي چي انفجاري مهمات به د ایساف د ځواکونو له خوا له منځه یوړل سي
د یادولو وړ ده چي تر دي مخکي هم د سپکو او درنو وسلو زیرمې حکومت پلوه ځواکونو موندلي وي
