شکریه اصیل او شفیقه قریشي هغه دوې افغان مېرمني دي چې د روان زیږدیز ۲۰۱۰ کال دنړۍ د لسو تر ټولو زړه ورو اومېړنیو ښځو په قطار کي يې ځای موندلی دی
د هندوستان ټایمز د خبر له مخې هر کال په نړۍ کې لس هغه ښځي چي د ښځو د حقوقو، د بشر د حقوقو، ښې حکومتدارۍ، ټولنیز پرمختګ او دتبعیض پر وړاندي په مبارزه کي تر ټولو وړاندي وي د امریکا د حکومت له لوري ټاکل کیږي.
خبر زیاتوي چې شکریه اصیل د بغلان ولایت کي د ښځو د حقوقو یوه فعاله ده چي په حکومت کي د ښځو د ونډي په اړه يې زیات زیار ایستلی او ډګرواله شفیقه بیا په افغان امنیتي ځواکونو کي افسره ده چي د پولیسو په لیکو کي ښځو د ګډون په لاره کي يې هڅي کړیدي.
د ورځپاڼي د خبر له مخي لسو ګټونکو ښځو ته د امریکا د بهرنیو چارو د وزیري هیلري کلنټن او د اوباما د مېرمنې میچل اوباما له خوا جایزي ورکړل سوې
