مرسته     |     دپاڼي نقشه     |     ننوتل
دخپریدو نیټه : 2014-08-30   مخپرونکئ : 128 - دبېنواخبریال - کابل

د خوست په ختیځ کې پاکستاني پوځ د عامو خلکو پر کورونه بمباري کړې

احمد فیصل
پاكستاني پوځ د خوست په ختيځ كې د عامو خلكو پر كورونو بمبار كړى او له امله يې اتلس ښځې اوماشومان ټپيان شوي دي، د خوست ملكي روغتون مسوولين وايي چې دوى ته په وروړل شويو ټپيانو كې د څلورو ماشومانو حالت مرګوني دي. د ټپيانو كورنۍ غړي وايي چې بمبار يې پرخيمو شوى او پرځاني زيان سربېره يې د كورنو توكي او دوه موټر هم سوځيدلي دي. د خوست ولايت مقام مطبوعاتي دفتر پېښه تايد وي خو وايي چې دا ليرې سيمه ده او تراوسه دا نه ده ثابته شوې چې بمبار د پولې كومې غاړې ته شوى دى. د خوست په ملكي روغتون كې د ټپيانو كورنۍ غړو خبريالانو ته وويل چې د جمعې په ورځ ناوخته د خوست ولايت ختيځ ته د لكڼو اړوند پولې ته څېرمه د شينكۍ په سيمه كې د كوچيانو پر خيموباندې د پاكستان پوځي چورلكو بمباري كړی او له امله يې لس ميرمنې، اوه ماشومان او يو ځوان ټپيان شوي او د كورنو الباسې او نور توكي او د دوى دوه موټر سوځيدلي دي، د دوى په خبره چې كورنه يې له پولې دې غاړې ته دي او په بمباركې درې كورونه په نښه شوي او ټول زيان هم دغو درو كورنيوته رسيدلى دى.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery