مرسته     |     دپاڼي نقشه     |     ننوتل
دخپریدو نیټه : 2015-06-28   مخپرونکئ : 128 - دبېنواخبریال - کابل

ولسمشر: د حکومتوالۍ پروسې باید ساده وي

احمد فیصل
ولسمشر اشرف غني وايي، د حکومتوالۍ پروسې باید ساده او د دې کار د پلي کولو لپاره باید یوه کاري ډله جوړه شي. نوموړي دغه خبره د ښې حکومتولۍ او اصلاحاتو په برخه کې له خپل ځانګړي استازي احمدضیا مسعود سره په کتنه کې وکړه. د ارګ په خبرپاڼه کې راغلي، چې د احمد ضیا مسعود په مشرۍ د اداري اصلاحاتو پلاوي له فساد سره د مبارزې، د سیاسي مشارکت او د ملکي خدماتو د وړاندې کولو د قابلیت د ښه والي په اړه په یوه راپور کې خپل وړاندیزونه او نظریات ولسمشر ته وړاندې کړل. په یاد راپور کې د حکومت په کچه د وظیفوي تداخل ۲۱ موارد شرحه او هم د پروسو د ساده کولو په برخه کې د ۳۱۴ تشخیص شویو مواردو په اړه کافي معلومات ورکړل شول او د دغو دواړو مواردو په هکله د کابینې د ځانګړې ناستې وړاندیز وشو. ولسمشر غني د راپور تر اورېدو وروسته وویل، چې د ښې حکومتولۍ او د پروسو د ساده کولو لپاره پر اوسنيو تشکیلاتو باید له سره کتنه وشي. هغه وویل، زه غواړم حتی د ولسمشر اداري صلاحیتونه محدود او قانون حاکم شي. نوموړي د وظیفوي تداخل د مواردو د تشخیص په برخه کې د کمېسیون یوه برخه کار سم او یوه برخه د لا ډېر دقت وړ وباله او ویې ویل، چې په راتلونکو څلورو کلونو کې به زموږ تر ټولو عمده هدف د حکومتي بنسټونو د دندو تشخیص او د وظیفوي تداخل له منځه وړل وي.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery