مرسته     |     دپاڼي نقشه     |     ننوتل
دخپریدو نیټه : 2016-05-29   مخپرونکئ : 128 - دبېنواخبریال - کابل

کابلوف: له دې وروسته له طالبانو سره خپلو تماسونو ته دوام ورکوو

احمد فیصل
د افغانستان لپاره د روسیې د ولسمشر ځانګړی استازی وايي چې د ملا اختر محمد منصور له وژل کېدو او د هغه پر ځای د هبت الله اخوندزاده له ټاکل کېدو وروسته له طالبانو سره تماسونو ته دوام ورکوي. ضمیر کابلوف د روسیې له ایزویستیا ورځپاڼې سره په مرکه کې په غیر مستقیم ډول د امریکا له لوري د منصور پر وژل کېدو نېوکه کړې او ویلي یې دي، اخوندزاده پوځي قوماندان نه دی او غالباً سراج الدین حقاني او ملا قیوم به د جګړې برخلیک ټاکي. ده همداراز، زیاته کړې، دوی په افغانستان کې د ملي پخلاینې بهیر د پر مخ بوولو او د روسیې د ملي امنیت د ټینګښت لپاره له طالبانو سره تماسونو ته دوام ورکوي. له بلې خوا د روسیې د سیمه ییزو چارو د انستیتیوت عمومي رييس دیمیتري ژوراولف هم ایزویستیا ورځپاڼې ته ویلي، چې هبت الله اخوندزاده د طالبانو دریځ نه شي بدلولی، خو هیله یې څرګنده کړې، چې دا ډله به خامخا یوه ورځ د سولې خبرو ته کېني.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery