مرسته     |     دپاڼي نقشه     |     ننوتل
دخپریدو نیټه : 2016-10-22   مخپرونکئ : 039 - دبېنوا اداره - کابل

هلمند مدني ټولنه: جګړو کې ولسي خلکو ته مرګ ژوبله اوښتې

جواد
هلمند مدني ټولنه: جګړو کې ولسي خلکو ته مرګ ژوبله اوښتې د هلمند مدني ټولنې مسؤلين وايي، د هلمند په وروستيو جګړو کې ګڼو ولسي خلکو ته مرګ ژوبله اوښتې ده. د دغې ټولنې مشر سردار محمد وايي، وروسته له هغه چې جګړه د لښکرګاه تر څنډو راورسېده ډېری خلکو خپل کورونه پرېښودل او نورو سيمو ته کډوال شول. همدرد وايي، د دوی د مالوماتو له مخې د ښکېلو غاړو له لوري ولسي خلکو ته مرګ ژوبله اوښتې ده. هغه روانه جګړه کې د عامو خلکو وژل کېدل او ژوبل کېدل جنګي جنايت وباله. سردار محمد همدرد وايي، د هلمند په يو شمېر سيمو کې خلک له قحطۍ او لوږې سره هم مخ دي. نوموړی وايي، له يوې خوا هوا په سړېدو ده او بل خوا د جګړو له امله خلکو خپل کورونه پريښي دي. دی وايي، ښکېلې خواوې د خلکو کورونه هم د سنګرونو په توګه کاروي. د هلمند مدني ټولنې غړي له دواړو غاړو غوښتنه کوي چې د ولسي خلکو ژوند ته دې جدي پام وکړي. دوی له اړونده ادارو غواړي چې د عامو خلکو د ژوند د خونديتوب لپاره دې سر له اوسه غم وخوړل شي.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery