مرسته     |     دپاڼي نقشه     |     ننوتل
دخپریدو نیټه : 2018-07-01   مخپرونکئ : 039 - دبېنوا اداره - کابل

د هلمند ولايت په بېلابېلو سيمو کې ۱۸ وسله وال مخالفين وژل شوي،

راحیله جواد

د هلمند ولايت په بېلابېلو سيمو کې د هوايي او ځمکنيو بريدونو په ترڅ کې ۱۸ وسله وال مخالفين وژل شوي، پنځه ټپيان او دوه تنه ژوندي نيول شوي او دغه راز ۱۹۲۰۰ کيلوګرامه نشه يي توکي له منځه وړل شوې دي.

تېره ورځ د نادعلي ولسوالۍ چهانجير سيمه کې د هوايي بريد په ترڅ کې ۴ وسله وال طالبان وژل شوي او څلور بابه خزې يې له منځه وړل شوې دي.

د نهرسراج ولسوالۍ (سور شاخ) سيمه کې د امنيتي ځواکونو د کمين په ترڅ کې د حاجي رحمت په مشرۍ د ډلې ۶ تنه وسله وال مخالفين وژل شوي او ۵ تنه نور يې ټپيان دي.

د يادې ولسوالۍ په (مهاجر بازار) سيمه کې د ګډو ځواکونو عملياتو پر مهال ۵ تنه وسله وال مخالفين وژل شوي او دغه راز ۲ تنه نور يې له يو ميل وسلې او يوې مخابرې سره يو ځای ژوندي نيول شوي

د امنيتي ارګانونو د راپور له مخې د (تريخ ناور) سيمه کې د هوايي بريد په ترڅ کې ۳ وسله وال طالبان وژل شوي دي.

همدارنګه د مارجې ولسوالۍ (قاسم بازار) سيمه کې د غوڅ ملاتړ ځواکونو له لوري د هوايي بريدونو پر مهال د وسله والو مخالفينو دوه بابه د نشه يي توکو کارخانې په نښه شوې دي، چې په ترڅ کې يې ۱۹۲۰۰ کيلوګرامه ترياک او هيروين او دغه راز ګڼې وسلې او مهمات له منځه وړل شوې دي

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery