مرسته     |     دپاڼي نقشه     |     ننوتل
دخپریدو نیټه : 2018-11-10   مخپرونکئ : 039 - دبېنوا اداره - کابل

دکندهار سرپرست والي د عينومېني له ( ۳۵۰ ) بستريز روغتون څخه له نژدې ليدنه وکړه

راحیله جواد

 

د شنبې په ورځ مرستيال او سرپرست والي عبدالحنان منيب په داسي حال کي د عينومېني له ( ۳۵۰ ) بستريز روغتون څخه ليدنه وکړه چي پرمهال يې د يو شمېر دولتي ادارو مسؤلينو او قومي او ولسي مشرانو حضور درلود .

مرستيال او سرپرست والي عبدالحنان منيب وويل : د عينومېني د ( ۳۵۰ ) بستريز روغتون د ودانۍ ساختماني چاري چي زيات و کم ۳ کاله وړاندي شروع سوي وې له ښه مرغه دامهال ( ٪ ۱۰۰ ) سلنه بشپړي سوي دي، هغه زياته کړه : د دغه روغتون لپاره به د ۲ مياشتو په اوږدو کي د اړتيا وړ تجهيزات هم برابر کړل سي او د عامو خلګو پرمخ به پرانيستل سي .

ښاغلي منيب وويل : د دغه روغتون په فعاله کېدو سره به د روغتيا په برخه کي تر زياته حده د ستونزو مخه نيول سوې وي او ولس به يې له خدماتو څخه برخمن وي .

نوموړي ډاډ ورکړ چي ډېر ژر به د دغه روغتون په څنګ کي د عدلي طب تعمير د جوړېدو چاري هم پيل سي

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery