مرسته     |     دپاڼي نقشه     |     ننوتل
دخپریدو نیټه : 2020-01-07   مخپرونکئ : 039 - دبېنوا اداره - کابل

نعیمي : له خلکو سره مشوره او د هغوی خبرې اورېدل زموږ لومړیتوب او مسوولیت دی

راحیله جواد

 د کندوز والي عبدالجبار نعیمي د کندوز ښاروالۍ د اته ګونو ناحیو له یو شمېر ګذر وکیلانو سره په مشورتي ناسته کي وویل چي د خلکو سره مشورې او د هغوی خبري اوریدل زموږ مسولیت دي .

ښاغلي نعیمي په یاده ناسته کې د یادو وکیلانو ټولې خبرې او مشورې واورېدې او زیاته یې کړه، که چېرته د خلکو ملاتړ او همکاري موجوده وي، نو په کندوز کې به د ابادۍ او پرمختګ روانې چارې په ښه توګه پرمخ ولاړې شي.

دوی له کندوز والي څخه وغوښتل، چې د چاپېریال ساتنې، کندوز حلقوي سړک جوړولو، له کندوز هوايي ډګر څخه د ملکي الوتنو استفادې، د ماسټر پلان عملي کول، د ښار پراختیا، د فرهنګي او تاریخي ځایونو ساتنې او د ښار په مختلفو سیمو کې تفریحي پارکونه جوړولو ته جدي پاملرنه وکړي.
د ښار په منځ کې د معتادینو له راټولېدو، د نشه يي توکو د پېر او پلور او کاروباریانو مخنیوی او نیول، په ښار کې د ورځې او شپې له مخې د امنیتي ګزمو ترسره کولو، د غیر مسووله وسله والو، جنايي جرمونو او په ښار کې د غلاوو او شوکو څخه مخنیوی هم هغه څه وو، چې د ګذر وکیلانو له خوا یې د کشفي او نظامي ادارو د لا نورو جدي او کوټلو ګامونو پورته کولو غوښتنه وشوه.


د ناستې په پای کې د کندوز ښاروالۍ له اته ګونو ناحیو څخه راغلیو یادو یو شمېر د ګذر وکیلانو ژمنه وکړه، چې د اړتیا په صورت کې به د خپل سیمه ییز حکومت تر څنګ ولاړ وي.

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery