زموږ شعار

 اسلامي او افغاني ارزښتونه له بربادۍ او نابودۍ څخه ساتل او د زړه له کومې ورته درناوى لرل.
 د هېواد د ځمکنۍ بشپړتيا ساتنه او د ګاونډيانو هېوادونو له يرغلونو څخه د ګران هېواد ساتنه او دفاع.
 د هر ډول ژبنيز، سيمه ييز او توکميز تعصب په وړاندې عملي مبارزه.
 د هېواد د ټولو قومونو ارزښتونو ته د زړه له کومې درناوى، دغه راز ټولو ته د خدمت لارې چارې برابرول.
 اساسي قانون، د هېواد نورو مدني او فرعي قوانينو ته د زړه له کومې درناوى او عملي کېدو ته يې لارې چارې برابرول.
 د هېواد د تاريخي، کلتوري او هنري اثارو ساتنه، دغه راز نړيوالو ته يې ورپېژندل، په دې برخه کې د غلو او قاچاق وړونکو رسوا کول، عدلي او د قانون پلې کوونکو ادارو ته يې ورپېژندل او د محاکمې لپاره يې اواز پورته کول.
 د هېواد تاريخ ته د زړه له کومې درناوى او له هر راز تېري څخه يې ساتل.
 د هېواد له ملي او رښتينو ارزښتونو څخه د ځوان نسل خبرول، په دې برخه کې د هر ډول ملي او ګټورې هڅې لپاره لارې چارې برابرول.
 د هغو مضرو اشخاصو د هڅو او پټوتوطيو رسوا کول چې د دې هېواد او خلکو پرضد کار کوي.
 ملي يووالي ته لارې چارې برابرول او په دې لار کې هېڅ ډول معامله نه کول.
 له سياسي کړيو څخه ځان ليرې ساتل او يوازې د ملت دردونه نورو ته رسول.
د هېوادوالو په زړونو کې د کرکې پرځاى مينه کرل او ورورولۍ ته لار برابرول.

 

ډالۍ:
هغو شازلميو ته چې د خپل ملي كلتور
او ملي ارزښتونو په ساتنه كې هڅه كوي.

په درناوي
خپروونكي