د ارواښاد ډاکټرکبيرستوري دلومړي تلين غونډي

  په کونړ ، پېښور او جرمنى کې د ډاکتر کبير ستورى د لومړى تلين پوهنيزى ( علمى ) ياد غونډي

پر پښتو پښتونولۍ مين ، ملى مبارز او د پښتنوټوليز ولسوليز ګوند ( PSDP) مشر او بنسټ ايښودونکى ارواښاد ستورى د لومړی تلين پوهنيزي ( علمي ) ياد غونډي او ازادي مشاعرې په کونړ ، پېښور او جرمني کې جوړيږي .
د کونړ ولايت په ناستون ( مرکز ) اسدآباد کې د کونړ د ميشته فرهنګيانو له خوا د  2007  ع کال د اپريل د مياشتى په څلورمه نېټه د چارشنبى په ورځ .
په پېښور کې د غنی خان د ادبی ، کلتوری او څیړنیز ی جرګی او پښتو نړيوال (عالمى ) کانګرس له خوا د 2007 ع کال د اپريل د مياشتى په ديارلسمه نېټه د جمعى په ورځ .
او په جرمنى کې د پښتنو ټولنيز ولسوليز ګوند (PSDP) له خوا د 2007 ع کال د جون د مياشتى په اتمه نېټه د جمعى په ورځ د کولن د ښار سره نژدى د هورت په ښار کې جوړيږى .
درنو هيوادوالو ، پوهانو ، اديبانو ، ليکوالانو ، شاعرانو  ، ادبى،  ولسى او ملى سړيتوبونو ( شخصيتونو ) ته د ګډون بلنه ده هيله ده چې خپلى ليکنى او شعرونه د غونډى په ورځ د ځان سره راوړی او یا ئې په لاندنی پته راوليږی او په خپل ګډون سره د ار واښاد ډاکتر ستورى روح خوشحاله کړۍ .
په درناوى      

عزيز سرشار
د پښتنو د ټولنيز ولسوليز ګوند د خپرونو چارو مشر
Stori
Kiebitzweg 12
50389 Wesseling
Germany
psdp@gmx.net