آه پوهاند علامه رشاد وفات شو

د پوهاند علامه عبدالشکور رشاد د مړيني تر خبر وروسته

په کندهار کښي بېړنۍ غونډه جوړه شوه

په ډېره خواشينۍ سره مو خبر تر لاسه  کړ چې دافغانستان او سيمې ديوې لويې فرهنګي او علمي څيرې ( ارواښاد علامه پوهاند اکا ډميسين عبدالشکور رشاد ) دروند او برکتناک سيورى دافغا ن ملت ، په ځانګړي ډول علمي ا و فرهنګي کړيو له سره ليري شو .

انالله وانا الله راجعون

 فاضل استاد علامه پوهاند رشاد دروان کال دليندۍ پر دولسمه دغرمې ددولس نيمو بجوپر  مهال  دورپيښې ناجوړې  له امله  خپله سپڅلې اروا په څلورسوه بيستريز روغتون کې خپل خالق ته وسپارله ..

دفاضل استا د مړى به سبا ورځ دليندۍ پر ١٣ مه دکابل ښار په څلورسوه بستريز روغتون کې دهغه خواخوږو ، دوستانو دعلمي او فرهنګي  څيرو له خو ا دوروستۍ لېدنې لپاره پروت وي ، بيا به  ورپسې ورځ چې دجمعې مپارکه ورځ او دليندۍ ١٤ ـ مه  کيږي خپل پلرنې ولايت کندهار ته وړل کيږي او هلته به خاورو ته سپارل کيږي .

په دې  اړه نن دليندۍ پر ١٢ ـ مه  تر ماپښين وروسته په کندهار ښارکې دکندهار ښا ر  او شاوخوا سيمو ليکوالو ، فرهنګيانو او مشرانو دافغان مطبوعاتې مرکز اينه کې يوه بېړنۍ   غونډه جوړه  شوه .غونډه دقران شريف دمبارکو اياتو په لوستو سره پيل شوه اووروسته دبينوا فرهنګي ټولنې مشر عبدالاحمد محمديار دفاضل استاد ارواته تر دعا وروسته وويل :" دارواښاد علامه صاحب دژوند په اړه به بيا سره ږغيږو خو اوس موږ ددې لپاره دلته سره راټول شوي يو چې دارواښاد علامه صاحب دتدفين او مراسيمو په اړه سره وږغيږو او دملګرو نظرونه واخلو .

ورپسې دکندهار پوهنتون دانجينرۍ پوهنځي استاد انجينر عبدالطيف اشنا په داسي  حال کې چې سترګې يې له اوښکو ډکې وې او خبرې يې په ستونې کې غوټه ـ غوټه کېدلې په سلګيو کې يې وويل :" ما دخبرو حو صله له لاسه ورکړې ده ، هيڅ  نشم ويلاى  ، ما چې دارواښاد دمرګ خبرواورېد داسي مې وانګيرله چې پښتو مړه شوه ، خو اوس چې زه دلته دا ځوانان وينم نو څه هيله مې پيدا کيږي چې ګوندي دده لاره به نه پريږدي ، که څه هم موږ خو نه شو کولاي چې دده تشه ډکه کړو ، خو بيا هم  بايد تا سو ځوانان لاسونه سره ورکړى او  دده ارمانونه پوره کړئ، او په ده باندې بايد تر مرګه وروسته کندهار پوهنتون منور شي ، دهيواد کلتوري ټولنې مشر واصل حسينار په دې ټينګا رکاو ه چې له کندهار پوهنتون پرته يوداسي ځاى چې ټول عام خلګ ورته ورشي بايد ښخ کړل شي ، خو نورو ملګرو په پوهنتون کې چې دکندهار ښا ر شمال ته پروت دى او ډيرښه موقيعت لري دى بايد ښخ کړل شي ، البته انجنير اشنا زياته کړه چې هلته دپوهنتون  ښى اړخ ډيرې ښې تپې ( غونډۍ ) شته  چې بايد ديوې پر سر ځاى ورته وټا کل شي ، ميرويس افغان په دې اړه وويل .په عمومي ډول موږ پښتانه ډېر بې پروا خلګ يو ، موږ زړې مقبرې او ارزښتناکې ودانۍ له ياده ايستلې او کنډواله  پرې ايښې دي، نودده پالنه به څو ک وکړاي شي ، دپوهنتون سيمه په دې هم ښه ده چې يو خو دى يو علمي څېره ده او بل دپوهنتون محصلين لا ښه دي يوه څه ددغه ډول ارزښتونو په ساتنه پوهيږي او احساس يې لري  دغونډې په وروستو شيبو کې پريکړه وشوه چې دغونډې څو تنه برخوال دې د  کندهارله  والي سره پر  اړوندو مسايلو په و ږغيږي ، سبا به بيا دغه ليکوال راټوليږي او دولايت مقام نظر به دوى ورته اوره وي ،او په دې نوموړې غونډه کې  يوپنځه ماديزه پرېکړه ليک هم تصويب شو ،

١ـ  دفاضل استاد مړى بايد په کندهار پوهنتون کې خاوروته وسپار ل شي .

٢ـ  دفاضل استاد دزيارت حريم بايد پراخه ځمکه په برکې ولري چې په راتلونکې کې داړينو ودانيو دجوړلو لپاره وکارول شي .

٣ـ  کندهار پوهنتون او شاوخوا سيمه دعلامه رشاد په نامه ونومول شي .

٤ـ  دفاضل استاد مقبره بايد په خورا عصري او شانداره توګه جوړ شي .

٥ـ  دفاضل استاد ددرنښت پر ځاى کولولپاره دې د ملي ماتم ورځ اعلان شي .