په نيويارک کي د رشاد بابا غونډي ته بلنه

په نيويارك كې د ارواښاد علامه استاد رشادبابا په ياد غونډه  كيږي

د امريكا په نيويارك ښار  كې د ارواښاد علامه اكاډميسين پوهاند عبدالشكور رشاد بابا  په ياد د قران كريم د ختم تر څنګ د يوې پرتمينې غونډې تابيا شوې ده، چې ورته د امريكا او شا و خوا سيمو څخه افغان فرهنګيان راځي.

ټاكل شوې ده چې دا ختم د روان ميلادي كال د جنورۍ پر۸ مه، چې د ۱۳۸۳ل كال د  مرغومي پر ۱۲ مه نېټه وشي ، چې تر ختم وروسته به يوه پرتمينه غونډه وشي او د استاد په ياد به ليكل شوي شعرونه، ليكني او څېړنې ولوستل شي، د دې غونډې لګښت  او نوښت ديو فرهنګ پال افغان او د رشاد بابا يو خواخوږي تور جان بوستاني  (لوي اغا) پرغاړه اخيستى دى.

په غونډه كې به ښاغلي عبدالباري جهاني،محمدمعصوم هوتك ، عبدالطيف جان بابی ، ډاکټر عبدالحی نيازي ، حافظ کرزی ، حداد صاحب ، ډاکټر رحيم عزيز ، ډاکټر احمد شاه احمد زی  ، عبدالقادر هوتک ، حبيب مايار وردګ ، سيد حسن پاچا ، عبدالکريم حليمي او نورې مشهورې څېرې ګډون كوي.

د غرمنۍ تابيا هم شوې ده.

د ټول اروپا مېشت او اسيا مېشت افغان ليکوالو څخه هيله کيږي که چيري د همدې غونډي لپاره خپلي مقالې يا پيغامونه  راليږل غواړي  نو د بينوا ويب پاڼي د اړيکو پر پته دي راوليږي  

يادونه : د مراسيمو پيل  د سيميز وخت د غرمې  پر يوه بجه ټاکل شوی دی او د تالار پته په لاندي ډول ده :

World Fair Marina Rstrnt:
1 Worlds Fair Marina Flushing, NY 11368

Tele No : 718-898-1200

دمعلوماتو لپاره د بېنوا ويب پاڼي د اړيکو په پاڼه کي د ټيلفون پر شمېرو په تماس کښي شی