د افغانستان د دري فلمونو ستورى عبدالغني چې د کاکا غني په نامۀ مشهور شوى و د ٧٩ کالو په عمر په کابل کې ومړ .
عبدالغني يو له هغو فلمي ستوريو څخه و چې فني زده کړي يې نه وې کړې خو په پاخۀ عمر يې په يو شمېر دري ژبو فلمونو کې ونډه واخيسته چې د فرانسې هنري جايزې يې پرې وگټلې .
د دۀ يو له وروستيو فلمونو د عتيق رحيمي (( خاک و خاکستر )) فلم و چې په فرانسې کې ډير وستايل شو .
په همدې فلم کې د ښه رول له امله ارواښاد عبدالغني ته جايزه ورکړل شوې وه .