د بري راز ( ټولنيزه ارواپوهنه )
په بېنوا کي دلیکني شمیره : 2247دخبریدو نیټه : 2005-02-24
٦ کب ١٣٨٣ لمريز
د بري راز
( ټولنيزه اروا پوهنه )
د بري راز ( ټولنيزه اروا پوهنه ) د پروفيسر جان مورګان ليکنه ده ، ښاغلي ميرزا علم حميدي په پښتو ژباړلی او د پښتو ژبي نوميالي کره کتونکي ښاغلي زرين انځور سريزه پرې ليکلې ده .
نوموړی کتاب د ٢٦ سرليکونو په لرلو سره په ١٨١ مخونو کښي په روانه پښتو ژبه خپور شوی دی .
په ياد شوي کتاب کي ښاغلي زرين انځور د کتاب په سريزه کښي د ليکوال په اړه داسي ليکلي دي :
د خوښۍ ځای دی چې د نوميالي افغان ليکوال او ژباړونکي ښاغلي ميرزا علم حميدي په قلم يو بل اثر هم په پښتو وژباړل شو ……
… دغه اثر په ټوله نړۍ کښې دومره مشهوره دی چې ښايي ډېره لږه داسي بله ژبه به وي چې د ويونکو شمېر يې له څو مليونو څخه واوړي او دغه اثر دې ونه لري ، يوازي زموږ خوارو ، اټکل پنځوس مليونو پښتنو ، لاتر اوسه پوري دغه اثر پر خپله ژبه نه شوای لوستلی .
له نېکه مرغه ښاغلي حميدي ، موږ په دې برخه کې هم د نړۍ د نورو ژونديو اولسونو او ژبو د سيالۍ جوګه کړو .
( د بري راز ) داسې يو اثر دی چې هر پښتون ته يې لوستل لازم دي ، دا نه يوازي چې په ځانګړي او شخصي ژوند او د ځانګړي ژوند د برياوو لپاره ډېر ګټور دی .
ټولنه کي د يو غوره رول لوبولو لپاره ډېرې په زړه پورې لارښودنې لري . . . . . ( د کتاب د سريزې څخه )
د کتاب نوم : د بري راز
ليکوال : پروفيسر جان مورګان
غورچاڼ او ژباړن : مېرزا علم حميدي
کمپيوټر چارې : مېرزا علم حميدي
دخپرېدو ځای : پېښور – پښتونخوا
دخپرېدو کال : ١٣٨٣ ل - ٢٠٠٥ زېږديز
دچاپ شمېر : ١٠٠٠ ټوکه
د ښاغلي مېرزا علم حميدي پرله پسې څوارلسم پښتو دغه کتاب په پېښور کې له دانش کتاب پلورنځی ، ننګرهار کي ګودر کتاب پلورنځی ، کابل کي ښاغلي کاتب پاڅون ، کندهار کي افغان کتاب پلورنځی او کوئټۀ کښي صحاف کتاب پلورنځی څخه تر لاسه کېدای شي .
