په هالنډ کي د افغاني موسيقي شپه

زما د وطن يادونه

مستانه ويبپاڼه د انټرنټ پر مخ دافغاني موسيقۍ يوازنۍ تر ټولو بډايه ويبپاڼه ده چي هم يې مينه والو په لسګونو زره بېلابېلي افغاني سندري په وړيا توګه وړاندي کوي ،او هم يې د سلګونو هنرمندانو اوسندرغاړو هنر د ورکېدو له ګواښه ساتلی دی .

ددې ويبپاڼي چلوونکي په هالنډ او نژدې هيوادونو کښي مېشت د افغاني موسيقۍ مينه والو ته دروان زېږدېز کال د جون دمياشتي پر دريمه نېټۀ د هالنډ په پلازمېنه امستردام کي ژوندۍ موسيقي وړاندي کوي او تاسو ته د تکړه سندرغاړي احمدضيا او ځوان هنرمندجاويد شريف  په سندريز پروګرام کي د ګډون بلنه درکوي .

په يادشوي کنسرت کي به ستاسو ګډون نه يوازي ستاسو لپاره يوه په زړه پوري تفرېح او سلګونو هيوادوالو سره د ليدني کتني چانس شي ، بلکي له دې لاري به مو د افغاني هنرمندانو ستاينه او د خپل هيواد د موسيقۍ دژوند په بقا او لا ښکلا کي برخه لرلې وي .

د نورو مالوماتو لپاره لاندنی عکس کښېکاږئ