غم په غم پسې اومرګ په مرګ پسې زموږ لمنه نه پريږدي

١٣٨٤ لمريز د غويي ١٧مه ( دخوشال فرهنګې ټولنې لارښوده شورا )

د نوميالي ليكوال، ژباړونكي اوفرهنګي  ميرزاعلم حميدې دمړينې له امله

دخوشال فرهنګي ټولنې دلارښودې شورا دغمرازئ

پيغام

ستا له ستمونو دوره چا وته فريادكړم

                                     وله مې په غشو ما همت درته نيولی  ( د بيجاپور پرديس _ هجري )

غم په غم پسې اومرګ په مرګ پسې زموږ لمنه نه پريږدي ،ان چې  لا ديوه ليكوال اوشاعر ،لاديوه هنر مند اوممثل جنازه خاوروته نه وي سپارل شوې چې بله ورپسې را روانه وي ، دابه زموږ نصيب اوبرخليك وي چې يوه ورځ مو هم دخندا زوږ اوشور په پرله پسې توگه په كور راننه نه ووت  اوهمدا يوه چغه اويوغږ دى چې با يد وايې ورو اوورته وژاړوو. هومرګ ، او ژړا،اوهغه هم په پرله پسې توګه ...

... اودادى په دغه لړكې موديوه بل نوميالې فرهنګې يار اوخواخوږي ميرزاعلم حميدي صاحب په غم هم تغر وغوړاوه ، هغه څوك چې درې لسيزې يې دقلم دلارويوله كاروان څخه ځان اوخپلې فرهنګي هلې ځلې په خورا سختو شرايطوكي هم ونه سپمولې اوپه خپلو ليكنواو ژباړو سره يې په خپل وخت كې زموږ د دردونو اوغمونو تسل وكړ، موږ ته  يې كيسې اوداستانونه راوژباړل داسې چې په يوه ځانگړي پړاوكې يې خپل پوره اثر اواغيز په ټولنه او روڼ اندو فكرونوكې درلود.د نامتو نړيوال اثر (ژوبڼ ) پښتو ژباړې اوچاپ يې په شپتموكالو كې بې شكه خپله مهمه اغيزه اووړتيا درلوده دومره چې زموږ په منځ كې د حميدې صاحب په ( ژوبڼ ) باندې نامتوشو. همداسې دټوكو خورجين اونورې ليكنې ېې په همدغه اندازه اغيزناكې اودپاملرنې وړوې اودي. دابه بې ځايه نه وي چې ووايو دده ژباړې وې چې دهغو په ترڅ كې موږ دختيزې نړۍ  نوميالې تركي ليكوال عزيز نسين اودهغه دليكنې ځانګړى سبك اوانتقادي ژبه پښتوژبې ته ديوې ښكلې ډالۍ په توگه وروپيژندل . همداده چې كله په پښتوژبه كې د ژباړې خبره ياديږې بې شكه چې دارواښاد حميدې صاحب نوم په دغه برخه كې ديادونې اودرناوې وړوي.

حميدي صاحب ډيرې نورې داسې علمي اوافغاني ځانګړنې درلودې چې دهغوپه لرلواو وړتيا سره به زموږ له يادو اوخاطروڅخه كله هم په يوه خوا نه شي  ، دى دوياړلې خوشال فرهنګي ټولنې دلارښودې شورا له خورا درنواوقدرمنوبنسټوالو څخه و، چې په عين حال كې يې ددغې ټولنې دمالې برخې هغه برخه چې كله يې هم له معنوي پانګې پرته نورڅه نه درلودل مسوول هم و، دخوشال فرهنګي ټولنې وياړلې مشر استاد روهي به ورته ويل : (( خيردى كه موږ پيسې نه لرو حميدې صاحب خولرو. )) په دې مانا چې دده په همت زموږ ټولې مادي  ستونزې دټولنې دسمبالتيا په برخه كې زموږله پامه لويدلې وې. اوموږ په دغه برخه كې په تش لاس دومره برلاسي وو چې په يوه خورا لنډه موده كي موخپل ملي اوفرهنګي هويت په يوه ستررسالت باندې بدل كړ.

دخوشال فرهنګي ټولني لارښوده شورا اوټول خواخوږي ، پوهان اوفرهنګيان په هيواد كې دننه اوله هيواده دباندې دخپل دغه وياړلې غړي اوبنسټوال په ناڅاپي مړينه خپله ژوره خواشيني دخپلې ټولنې ټولوغړو، هيواد والو اودده ارواښاد كورنۍ ته دزړه له كومي څرګندوي اوپه دې باوري دي چې  دحميدې صاحب مړينه  دافغانستان دروڼ اندي، ادبې اوفرهنګي پاټكي په منځ كې يوه ستره اونه جبران كيدونكې ضايعه ده .

اروا دې  ښاده اونوم يې تلپاتې!

دخوشال فرهنګې ټولنې لارښوده شورا ( کابل )

نصرالله حافظ دخوشال فرهنګي ټولنې مرستيال