په کلفورنیا کي د اجمل خټک بابادیادغونډي خبرتیا

د خدای بښلي اجمل خټک په ياد او درنښت په کليفورنيا ايالت کې د لوی   افغان د ټولنې خبرتيا

 انالله و اناالله راجعون
په ډېرې خواشينۍ او تاثر سره مو د خدای بښلي لوی افغان اجمل خټک د مړينې خبر د رسنېؤ څخه واوريد٠

مونږ د لوی افغان د ټولنې مشر تابه او ټول غړي پداسې حال کې چې د خدای بښلي پاک روح ته د دعا لاسونه پورته کوو، د ده د کورنۍ ټولو غړو ،د ده  سياسي ، وګړنيځ او د خپلي ژوندانه ټولو خپلوانو او ملګرو ته خپلې ژورې اندېښنې او دوی ته د زړه صبر او تصلېت وړاندې کوو او پدې وير او غم کې د دوی سره ځان شريک ګڼو ٠

 د يادونې وړ ده چې د لوی افغان ټولنې  د خدای بښلي اجمل خټک د بېسارو خدماتو په وياړ د نوموړي په ياد د پاک کلام د ختم او درنښت يوۀ غونډه د فبرورۍ د ميااشتې په ٢٠ مه نېټه د ستاکتن په ښار کې رابللې ، پدې توګه ټولو افغانانو ته بلنه او خبر ورکول کېږي چې پدې درنه غونډه کې برخه واخلي او د اجمل بابا په ياد دا غونډه لا خکلې او بختوره کړي٠
د درنښت او يادونې دا غونډه د شنبې د ورځې د ماسپښين په دوه بجو پېل او د ماځيګر په پنخه بجو په ټاکلي وخت پای ته رسيږي٠

 پته :

Arnold Rue Community center
5758Lorraine ave
Stockton CA 95210
209-937-7350

د لا معلوماتو لپاره د محمد حامد الوتاند سره په لاندې نمبر اړيکه ونيسئ٠
209-473-9211