نيټه: ٢/٤/١٣٨٩ - ٢٣/٦/٢٠١٠
کابل - افغانستان
په خورا خواشينۍ سره مو خبر ترلاسه کړ چې د هېواد نامتو سندرغاړي او کمپوزيتور رحيم مهريار د اوږدي ناروغي له کبله د جرمني هېواد په هانور(Hannover) ښار کې په حق ورسيد.
انا لله و انا اليه راجعون
ارواښاد مهريار چې:
"ستا په هجران کې جانانه – سهار ماښام زه اوښکی تويومه"
د شعر په ويلو سره خپل هنري فعاليت پيل او څه کم څلور لسيزي په سلګونو سندري ويلي او هم ېي کمپوزونه د هېواد نورو هنرمندانو ته جوړ کړي چې په هېواد او بهر کې د افغانانو د قدر او منني وړ ګرځيدلي دي.
د خواخوږی ادبي او کلتوري ټولني مشرتابه پلاوي او ټول غړي د ارواښاد مهريار مړينه يوه لويه هنري ضايعه بولي، ارواښاد ته جنت الفردوس، کورني، کلتوري او هنري ټولنو ته د خواخوږي مراتب وړاندي کوي.
روح دي ښاد وي
په درنښت،
د خواخوږی ادبي او کلتوري ټولني مشر