د کوچني نيکمرغه اخترد رارسيدو په وياړ د مبارکۍ پيغام

په بېنوا کي دلیکني شمیره : 38526

دخبریدو نیټه : 2010-09-02


په برتانيا کې د اوسيدونکو افغانانود ټولني اجراييه شورا  ،   د کوچنې نېکمرغه اختر د رارسېدلو له امله  د افغانستان په د ننه کې ټولو هېوادوالو ، په بهر او ځانګړي توګه بریتانيا کې  مېشتو افغانانو  او د نړۍ ټولو مسلمانانو ته  د زړه له کومي  تودي مبارکۍ وړاندي کوي  . همدارنګه د روژي د مبارکې مياشتي په دې بزرګو شپو او ورځو کې  د لوي خداي       (  ج  ) دربار ته  استدعا کوي چې زموږ د خلکو عبادت او دوعاوي  قبولي کړي  ، خلکو او هېواد ته  سوله  ـ  نېکمرغي او ابادي راولي  .

د افغانانو د ټولني اجراييه شورا دروژي د مبارکې مياشتې په  اوږدو ، په ځانګړي  توګه د کوچنې اختر په  درشل  او د افغانانو د ملي غمېزي د پېل نه تر اوسه پوري  د هغو بې ګناه هېوادوالو د شهادت  له امله چې دغلچکيو بريدونو او هوايې تاړاکونوهدف ګرځېدلي  ژوره خواشېني او د هغوي د کورنيو سره کلکه همدردي څرګندوي  .
په دې اساس په  لندن کې د اوسېدونکو افغانانوټولني تصمېم نېولی چې د تېر په څېر د کوچنې اختر د لمانځه د ادا کولو په موخه د ټولني په انګړ  (  ويست اکتون  )  کې  پوره تياري ونېسي او مېشتو افغانانو ته بلنه ورکړي  ،  چې د اختر په لمړی  ورځ  د سهار په ۱۰   بجې د ټولني انګړ ته تشريف راوړي  .

په درناوي
سېدجان   کارواني د ټولني مشر
په برتانيا کې د اوسېدونکو افغانانو ټولنه

ادرس  :
West Acton Community Centre
Churchill Gardens
London           W3 0JN
02089938168 02089932129and