بسم الله الرحمن الرحیم
دکرکیټ دنړیوالی لوبې دګټلو او خپل ویاړلې ولس ته د مډال دتر لاسه کولو په اړه دخپل ولس دکرکیټ دغه ویاړلي ملي ټیم ته د زړه له کومې مبارکي وړاندې کوو، په دې پوخ باور او عقیده لرو چې زمونږ ویاړلې ولس او ددې ولس ویاړلې بچي په هر ډګر کې همداسی بریالي اوموفق دي ،انشاء الله لکه څنګه چې زمونږ دویاړلی ولس د کړکیټ د ټیم دغو ځوانانو په خپلومټو باندی خپل هیواد ته ویاړ تر لاسه کړاو دهیواد بیرغ یی هسک کړ په همدی توګه به زمونږ د ولس ځوانان دخپل هیواد د ازادۍ د ترلاسه کولو په خاطر هم همداسی غښتلي قدمونه پورته کړي او ددی ځوانانو په څیربه دهیواد د ازادۍ بیرغ رپانده کړي.
ژوندی دی وی اسلام
ژوندی دی وی افغانستان
په اروپا کی دحزب اسلامی افغانستان د سولی دجرګګۍ مشر
د کرکټ لوبې د ګټلو له امله ټولو افغانانو ته مبارکي وايو
دچين هېوادکې د پيل شويوکرکټ لوبو په ډګر کې د افغان لوبډلې دپرله پسې سترې بريا له امله د خوست ولايت مقام مشرتابه اوټوله ولايتي اداره د افغانستان ټولو شريفو اوسېدونکيو ته د زړه له کومې مبارکۍ وړاندې کوي ، له خدای ج غواړي ، چې ورته برياوې په نړيواله کچه سره تر لاسه او د افغانستان ښايسته ملي بيرغ د هر وخت لپاره په وياړ سره د نړۍ په ګوټ ، ګوټ کې ورپوي .
ګرانو هېوادوالو !
راځئ لکه څنګه چې د کرکټ په لوبه کې په نړيواله کچه ښه ځلېدلي يو ، همداشان په يوه غږ سره افغانستان ته د سولې په راوستو کې پياوړي قدمونه واخلوو، ترڅو هېواد مو سمسور او د امن کور وګرځي .
په همدې هيله
د خوست ولايت مقام مطبوعاتي دفتر