د علامه رشاد بابا( رح ) د کندهار يادښتونه د ښاغلي محمد معصوم هوتک له خوا په دوو ټوکو چاپ ته چمتو شوي او د علامه رشاد بابا ( رح ) لومړي تلين ته به له چاپه راووزي .
د کندهار يادښتونه لومړی ټوک له سريزي او لړليک پرته ۲۰۸ مخونه او دوهم ټوک له لړليک پرته ۲۳۷ مخونه لري . د دواړو ټوکو د کمپيوټر چاري ښاغلي محمدمعصوم هوتک په خپل لاس سرته رسولي ، او نوموړي بېنوا ويبپاڼي ته وويل چي کتاب يې په جرمني کي د افغانستان د کلتوري ودي ټولني مشرتابه ته سپارلی تر څو د علامه رشاد بابا ( رح ) دلومړي تلين په مناسبت د چاپ جامه ورواغوندي او د مينه والو تر لاسونو ورسيږي .